Հանրային թղթակիցների հանդիպումը խմբագիրների հետ

03:03.2012 թվականին Հանրային լրագրության ակումբի գրասենյակում կրկին հյուրընկալել էինք հանրային թղթակիցների: Այս անգամ  հանրային թղթակիցների հետ համդիպմանը ներկա էին  նաև www.mynews.am կայքի խմբագիրներ և հանրային թղթակիցների խորհրդատուներ  Տիգրան Հովհաննիսյանը և Ջուլիետա Առուշանյանը:Նրանք  համակարգելու են և օգնելու են հանրային թղթակիցներին` ընտրությունների լուսաբանման բարդ գործընթացում:

Ընտրությունների լուսաբանումը քաղաքացիական լրագրողների աչքերով հնարավորություն կտա հանրային վերահսկողություն ապահովելու ընտրական գործընթացում:

Մոտ 15 հանրային թղթակիցներ ցանկություն են հայտնել լուսաբանելու առաջիկա ընտրությունները: 

Նրանք այսօր ծանոթացան խմբագիրների հետ, քննարկեցին նախընտրական թղթակցային թեմաներ, ինչպես նաև` պլանավորեցին համատեղ աշխատանքը: 

Խմբագիրների առաջարկած թեմաներից բացի նաև հանրային թղթակիցները իրենց  առաջարկներով հանդես եկան: 

Թղթակիցներն  ընտրեցին  մեկական   թեմա, որոնց շուրջ կաշխատեն ու կտեղադրեն  mynesw.am հանրային թղթակցության հարթակում: Թեմաները նախընտրական գործընթացի լուսաբանման են վերաբերում, որոնք ներկայացվելու են ֆոտո, տեսա պատմությունների և նոթագրությունների տեսքով:

Հաջորդ հանդիպումը մեկ շաբաթ անց է. նոր թեմաներ, նոր լուսաբանման ոճ, դեռևս չնկատված ու չլուսաբանված թեմաներ: Ընտրական գործընթացը լուսաբանելը միաժամանակ և՛ հետաքրքիր, և՛ պատասխանատու աշխատանք է:

 Հաջողություն մաղթենք հանրային թղթակիցներին: